Müsabiqədə Milli Məclisin Mədəniyyət Komitəsinin eksperti, Azərbaycan Yazıçılar Birliyi İdarə heyətinin üzvü, şair-publisist Əkbər Qoşalı (Yolçuyev) və prezident təqaüdçüsü, Yazıçılar Birliyinin üzvü, ədəbiyyat fondunun əməkdaşı Habil Yaşar qonaq və munsif qismində iştirak ediblər.

llk olaraq Ümummilli lider Heydər Əliyev və Azərbaycanın ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib və Azərbaycan Respublikasının Dövlət himni səsləndirilib.
Daha sonra Polis Akademiyası rəisinin birinci müavini, polis polkovniki Vüqar Mansurov tədbiri giriş sözü ilə açaraq qonaqları və yarış iştirakçılarını salamlayıb və onlara uğurlar arzulayıb.

Müsabiqədə Akademiyanın Əyani fakültəsində təhsil alan olan I, IV və V kurs üzrə ümumilikdə 11 kursant şəxsi birincilik uğrunda müəllifi olduqları şeirlərlə çıxış edərək öz natiqlik qabiliyyətlərini nümayiş ediblər.  İştirakçıların çıxışları münsiflər heyəti tərəfindən 10 ballıq sistemlə qiymətləndirilib. Nəticədə IV kurs kursantı Səyyad Əliyev “Şəhid qanı” adlı şeiri ilə birinci, V kurs kursantı Kənan Ağayev “Zəfər” adlı şeiri ilə ikinci və IV kurs kursantı Güloğlan İsmayılov  “Qalibin zəfər nəğməsi” adlı şeiri ilə üçüncü yerə layiq görülüb.
Qaliblər və iştirakçılar sertifikatlarla təltif olunaraq ilk 3 yerin sahibi Polis Akademiyasının rəhbərliyi tərəfindən mükafatlandırılıb.